பக்தியுள்ள ஆன்மாக்களுக்கு நல்ல வரப்பிரசாதம் ஜெபமாலை

பரிசுத்த ஆவியின் ஒளியில் வாழும் பக்தியுள்ள நல்ல ஆன்மாக்களுக்களே!, பரலோகத்திலிருந்து நேரே வரும் இந்த தேவ இரகசிய ரோஜாச் செடியை உங்களுக்குக் கொடுக்கிறேன். இதை நீங்கள் ஏற்றுக்கொள்வீர்கள் என நம்புகிறேன். இந்தச் செடியை உங்கள் ஆன்மா என்னும் தோட்டத்தில் நட வேண்டும். உங்கள் தேவ அன்பின் தியானம் என்னும் நறுமலர்களுக்கு இந்த ரோசாச் செடியினால் எவ்வித கேடும் நேரிட முடியாது. ஏனென்றால் இது பரலோகச் செடி அதன் வாசனை இனியது.

உங்கள் ஆன்மாவில் மிகக் கவனத்துடன் நீங்கள் ஒழுங்கு செய்திருக்கும் மலர்ப் பாத்திகளுக்கு ஒரு இடையூறும் இதனால் ஏற்படாது. ஏனென்றால் இந்தச் செடி தன்னிலே தூயதும் நல்ல ஒழுங்குடன் பண்பட்டதாக இருப்பதால் இது மற்ற யாவற்றையும் ஒழுங்குபடுத்தி தூய்மைபடுத்தும் தன்மையுடையது. கவனமுடன் நீர் பாய்ச்சி தினமும் நல்லவிதமாய் இச்செடி கவனிக்கப்படுமானால், வியத்தகுமளவு உயரமாய் வளரும். இதன் கிளைகள் எவ்வளவு அகன்று விரியுமென்றால் மற்ற எந்த பக்தி முயற்சியையும் தடை செய்யாதிருப்பதோடு அவற்றை பாதுகாத்து பூரணமாக்கிவிடும்.

Source: New feed