சுவிஸ் ஆன்மீக பணியகத்தின் புனித அன்னை வேளாங்கண்ணி திருவிழா மிகச் சிறப்பாக நடைபெற்றது

இத் திருவிழா திருப்பலியானது 29.09.2019 ஞாயிற்றுக்கிழமை மாலை 14.30(2:30) மணிக்கு லவுசான் புனித யோசேப்பு ( St.Joseph, Avenue de Morges 66, 1004 Lausanne ) என்னும் முகவரியில் அமையப்பெற்றுள்ள ஆலயத்தில் இடம்பெற்றது.

இத் திருவிழா திருப்பலியினை ரோம் நாட்டில் உயர்கல்வி பயிலும் சலேசியன் சபையின் குருவானவர் அருட்பணி.மெல்வின் அடிகளார் தலமைதாங்கி ஒப்புக்கொடுத்தார்.

திருவிழா திருப்பலியை தொடர்ந்து அன்னையின் திருச்சுருவ பவனி வீதி வழியாக எடுத்துவரப்பட்டு சிறப்பாசீரும் வழங்கப்பட்டது என்பது குறிப்பிடத்தக்கது.

இத் திருவிழா திருப்பலியில் அன்னைதிரேசா அருட்சகோதரிகளும் ( sisters of missionaries of charity) ஏனைய சுவிஸ் மாநில இறைமக்களும் கலந்து கொண்டு சிறப்பித்ததுடன் இறையாசீரையும் பெற்றுக்கொண்டமை குறிப்பிடத்தக்கது.

சுனேஸ்