கணவன் மனைவி செய்யும் ஜெபம்

இயேசு கிறிஸ்து நாதருக்கும் திருச்சபைக்குமுள்ள நேச ஐக்கியத்தைப் போல உலக பரம்புதலுக்காகவும் அன்னியோன்னிய நேசத்துக்காகவும் தூய மெய் விவாகத்தையும் புனிதப்படுத்திய இறைவா! அதன் ஆசீர்வாதத்தின் வரத்தை நாங்கள் இருவரும் வணக்கத்தோடு ஏற்றுக்கொண்டு அதன் கடமைகளை நடத்த கிருபை புரியும். எங்களுடைய ஐக்கியத்தை இடைவிடாமல் ஆசீர்வதிக்கவும், அதனால் நாங்கள் இருவரும் எல்லா கடமைகளையும் சமாதானத்தோடும் சினேகத்தோடும் பிரமாணிக்கமாய் எங்களிடம் ஒருவருக்கொருவர் நடக்கவும் உம்மை மன்றாடுகிறோம். பிரிக்கப்படக் கூடாத கட்டினால் கட்டின அந்த புனிதமான கட்டை பலவீனப்படுத்தத்தக்க எவ்வித கெட்டக் குணத்திலும் கெட்ட கிரியைகளிலுமிருந்து எங்களை விடுவித்தருளும். எப்படியாகிலும் எங்கள் சுய விருப்பத்தையும், பிரியத்தையும் எதிர்த்து உமக்கு பிரியப்பட்டு நடக்கவும், சுறுசுறுப்புள்ளவர்களாகவும் ஆசையுள்ளவர்களாகவும் செய்தருளும். இவ்வுலக சோதனை துன்பங்களில் உமது பேரில் முறுமுறுத்து எல்லாவற்றிலும் காரணரும், ஈகிறவருமாயிருக்கிற உம்மை பூலோக வாழ்வில் மகிழ்ந்து போய் மறவாதிருக்க செய்தருளும். பொறுமையாலும், சாந்தக் குணத்தாலும், ஜெபத்தாலும், நன்றியறிதலாலும் உமக்குக் கீழ்ப்படிந்திருக்க எங்களை ஆசீர்வதித்து, உமக்கு தகுந்தவர்களாகவும் செய்தருளும். – ஆமென்.

Source: New feed